Времетраење: 01.01.2024-31.12.2024
Локација: Свети Николе
Имплементатор: Организација на жените на општина Свети Николе
Главна цел: Цел и задача на проектот наменет за групата за самопомош е да се зајакне самодовербата на жените од групата и новозаболените жени полесно да ја прифатат болеста заради полесно надминување на последиците од болеста.
Проектот ќе биде наменет и за едукација за превенција од рак на дојка и матка, да се охрабрат жените секоја година да прават ехо преглед на дојка, редовни контроли и по потреба мамографски прегледи, како и гинеколошки и редовни месечни самопрегледи.
За да успееме да ги реализираме нашите цели, ќе ја продолжиме континуираната поддршка преку давање на соодветна стручна здравствена и психолошка едукација со лекар, психолог и физиотерапевт.
Активности:
- Реализирање на едукативни работилници водени од лекар и психолог, на различни теми со групата за самопомош;
- Реализирање на едукативни работилници во рурални средини за превенција од рак на дојка и матка;
- Реализирање на едукативни работилници во рурални средини за ментално и физичко здравје;
- Работилници со физички и креативни вежби со групата за самопомош, водени од сертицифиран физиотерапевт;
- Одржување на индивидуални средби со новозаболени жени од карцином на репродуктивните органи;
- Заедничка посета на црква/манастир или друг објект од археолошко значење;
- Учество на еден локален настан – розева прошетка – со општата јавност, жени од општина Свети Николе.
Буџет: 200.000 МКД
Финансиран од: Локална самоуправа на општина Свети Николе
