Позадина

Организацијата на жените на општина Свети Николе (ОЖОСВН) е водечка сила во женското и граѓанското движење кое создава позитивни промени во општеството и придонесува за општата благосостојба на сите граѓани. OЖОСВН активно работи за подобар квалитет на живот на граѓаните и почитување на човековите права со акцент на правата на жените и девојките. Во согласност со визијата и мисијата на организацијата, активно работиме на три програми: Програма за човекови права со акцент на правата на жените, Програма за деца и млади и Здравствена програма со фокус на жените заболени од малигни болести. Идејата за формирање на здружението потекнува од жени активистки за човекови права, првенствено активистки за почитување и афирмирање на правата на жените. Оваа организација беше регистрирана како правно лице од страна на Основниот суд Свети Николе во декември 1990 година и е активна од тогаш. Главните целни групи на OЖОСВН се жените и младите од заедницата, но исто така работат за граѓаните на локално, регионално и национално ниво. Ова вклучува прашања поврзани со почитување на човековите права, различни форми на насилство, учество на жените во донесувањето одлуки, младински активизам, капацитети на локалните институции и носители на одлуки и пристап на граѓаните до услуги и здравје на жените. Препознаена е во регионите во кои делува и има одлична соработка со локалните општествени фактори, граѓански здруженија, локални организации и институции.

Предмет на објавата

Оглас за вработување на лице за комуникација:

Вид на договор:договор за врабoтување на определено време
Период на ангажман:8 месеци
Почеток на вработување:ноември 2025
Завршување на договорот за вработување: јули 2026, со можност за продолжување

Опис и задачи за работното место

Планирање, организирање, координација и имплементирање на активности и стратегии за промоција на Организација на жените на општина Свети Николе (ОЖОСВН);
Координација и реализација на внатрешната и надворешната комуникација на (ОЖОСВН);
Подготовка на комуникациски насоки и планови, соопштенија, текстови за објави на веб страна, постови за социјални медиуми;
Уредување и ажурирање на веб страната и другите комуникациски канали на (ОЖОСВН);
Следење и координација на активности за видливост во однос на проектните активности и комуникации, воспоставување и градење релации со медиуми;
Развој, пишување, едитирање и продукција на промотивни материјали (печатени, аудио/видео);
Подготовка на периодични е-билтени и годишен организациски извештај;
Водење на месечна евиденција за фреквенција на традиционални и електронски медиуми;
Организирање и учество во промотивни настани;
Континуирано унапредување на своите знаења и вештини потребни за професионален и личен раст и развој и
Соработка, комуникација, координација со проектниот тим.

Потребни квалификации и искуство:

Општи барања:

Завршено високо образование;
Одлично познавање на македонски јазик;
Одлични аналитички, пишувачки и комуникациски способности;
Искуство во работа во тим;
Способност за исполнување задачи во зададени и кратки рокови;
Познавање на англиски јазик ќе се смета за предност.

Посебно професионално искуство:

Релевантно работно искуство во областа на комуникација, менаџирање на социјални медиуми, раководење на веб страна;
Докажано искуство во подготовка на комуникациски материјали;
Искуство во работа со креативни алатки (Канва, Пинтерес и др.);
Искуство со работа во граѓански сектор ќе се смета за предност;
Искуство во соработка со локални самоуправи, институции и механизми за родова еднаквост ќе се смета за предност.

Членовите и членките на ОЖОСВН со соодветни квалификации, имаат предност во изборот на лице за комуникација.

Локација и известување

Ангажманот е на полно работно време од 8 часа дневно или 40 часа неделно, а се однесува на раководење со целокупните комуникациски канали и активности на ОЖОСВН. Работното место е во канцелариите на ОЖОСВН (Ленинова 1-1/4, Свети Николе). Дел од ангажманот подразбира и теренска работа со учество на активности. По потреба и на барање на вработениот активностите може да се извршуваат и со работа од дома.

Лицето за комуникација на месечно ниво доставува проектни извештаи за остварената комуникација и фреквенција на медиумите и збирен организациски извештај на крајот од годината, а не подоцна од 20 јануари.

Надомест и услови на плаќање

За овој ангажман е предвиден месечен бруто надомест од 40.000мкд.

Исплатата на плата ќе биде најдоцна до 5ти од наредниот месец.

Аплицирање

Заинтересираните кандидат(к)и треба да достават:

Кратка биографија (CV) на македонски јазик;
Мотивациско писмо (до 1 страница) на македонски јазик;

Апликациите испратете ги на:

womsvetinikole@yahoo.com или по пошта на адреса: ул. Ленинова 1-1/4, 2220 Свети Николе или дирекно во канцеларијата на истата адреса.

Во предмет наведете: „Пријава за лице за комуникација“.

Рок за поднесување: 28/10/2025 година (вторник), до 12:00 часот.

Рок за разгледување на апликациите: најдоцна до 06/11/2025 година.

Рок за известување на избраниот кандидат/ка: најдоцна до 10/11/2025 година.

Забелешки

Комисијата за избор на кандидат/ка ќе ги разгледа примените апликации. Ненавремената и нецелосна пријава од кандидатите, нема да бидат земени во предвид.
Само избраните кандидат(к)и ќе бидат известени за исходот.
ОЖОСВН го задржува правото да не ангажира лице за комуникација доколку не се исполнат очекуваните критериуми и да го повтори повикот за ангажман.