Во период од 12 до 15 август во Охрид, ОЖОСВН за прв пат реализира тим билдинг настан за дел од членовите на извршните и управните тела на организацијата. Овој тим билдинг беше воден од Љупка Ристовска од тимот на Енџој тим билдинг Македонија.
Во рамки на настанот се фокусиравме на внатрешната организациска комуникација како клучен елемент за успешно функционирање на тимот. Преку практични вежби и дискусии ги зајакнавме способностите за активно слушање, јасно изразување и конструктивна повратна информација. Во текот на работилниците преку групни активности имавме повеќе задачи со цел да увидиме и да се насочиме кон тоа како работиме тимски, дали навистина функционираме како тим, што ни недостига во делот на комуникацијата и како се снаоѓаме и како индивидуи и како тимови во текот на игрите. Како дел од програмата реализиравме и „Тимска олимпијада“, каде се поделивме во два тима и преку забавни игри и заедничка соработка и стратегија достигнувавме до целта. Ваквиот пристап нагласи колку се важни довербата, соработката и заедничкото носење одлуки за создавање поефикасна и мотивирана работна средина.
На крајот дојдовме до заклучок дека ваквите активности се од голема корист бидејќи овозможуваат да се преиспитаме до каде сме како тим во нашата организација, повеќе да се зближиме и стекнеме меѓусебна доверба, како и да извлечеме поуки што ќе ни помогнат за поголем тимски успех во идните активности.
Овој тренинг е дел од проектот „Јаки жени, ја јакнат заедницата III“ финансиски поддржан од фондацијата Kvinna Till Kvinna и Шведска.
