Повик за ангажирање на едукатор/ментор/експерт

Организација на жените на општина Свети Николе (ОЖОСВН) објавува повик за ангажирање на едукатор/ментор/експерт за проектот „Зајакни ја промената: Подобрување на застапувањето преку медиуми“. Проектот е поддржан од Фондацијата Квина Тилл Квина од Стокхолм, Шведска, со финансиска поддршка од UK International Development.

Цел на проектот:

Целта на проектот е да се подобри капацитетот и ефективноста на локалните женски граѓански организации и организации за човекови права на национално ниво, преку застапување за политики засновани на докази, подигање на свеста за родово базирано насилство и создавање влијателни приказни за општествени промени.

За проектот

Проектот „Зајакни ја промената: Подобрување на застапувањето преку медиуми“ го спроведува Организација на жените на општина Свети Николе (ОЖОСВН). Проектот е поддржан од Фондацијата Квина Тилл Квина од Стокхолм, Шведска со финансиска поддршка од UK International Development. Долгорочното влијание на овој проект е да ги зајакне засегнатите страни со вештини и ресурси потребни за да се поттикне позитивното социјално влијание за родово базирано насилство и човекови права преку информирано застапување и медиумски ангажман. Целта на проектот е: Подобрување на капацитетот и ефективноста на граѓанските организации од Македонија во застапувањето за политики засновани на докази, подигање на свеста за родово базираното насилство и создавањето влијателни приказни со цел општествени промени. Оваа цел на проектот ќе ја постигнеме преку три главни активности, и тоа:

Обука за зајакнување на капацитетите на локалните граѓански здруженија за застапување базирано на докази и визуелизација на податоци;
Креирање на Прирачник за интерпретација на податоци, изработка на пораки и како да се планираат кампањи за застапување и
Менторска поддршка за практикување на застапување преку иницијативи кои се однесуваат на родово засновано насилство и прашања за човековите права.

Опис на ангажманите според активностите:

Обука за зајакнување на капацитетите: Едукаторот/менторот ќе спроведе тридневна обука за локалните граѓански здруженија за застапување базирано на докази и визуелизација на податоци. Обуката треба да ги опфати методите и техниките за ефективно користење на податоците при застапувањето. Тридневната обука ќе биде наменета за локални организации кои работат на родово засновано насилство и човекови права, а има за цел да ги подобри нивните капацитети за поактивно да работат на застапување пред носителите на одлуки, како и да ја искористат моќта на медиумите. Обуката ќе биде поделена на два дела. Првиот дел треба да биде насочен кон застапување базирано на докази, а вториот дел кон визуелизација и интерпретација на информации, алатки за комуникација со различни целни групи и креирање содржина за поефективно застапување. Според темите опфатени на обуката, заинтересираните едукатори/ментори може да се пријават за двата или за еден од модулите. Обучувачот/ите ќе бидат вклучени во планирање на агендата, подготовка на едукативни материјали, пред и пост тестови за учесниците, евалуација и подготовка на извештај за активност. Тридневната обука се планира да се реализира во текот на месец септември 2024 година.
Креирање на Прирачник: Изработка на прирачник кој ќе вклучува интерпретација на податоци, изработка на пораки и планирање на кампањи за застапување. Прирачникот ќе служи како водич за организациите да ги подобрат своите застапнички стратегии. Целта на оваа активност е да ги опреми локалните организации со основните вештини и знаења неопходни за ефективно толкување на податоците, изработка на убедливи пораки и стратешки планирани кампањи за застапување. Со обезбедување на сеопфатен прирачник, сакаме да ги поттикне организациите да воведат значајни промени во нивните заедници. Прирачникот треба да содржи основни методологии за анализа и толкување на податоците, вклучувајќи статистичка анализа, квалитативна проценка и идентификација на трендот, како да се извлечат вредни сознанија од различни извори на податоци за иницијативите за застапување, моќни пораки до целната публика, како да се прилагодат пораките за да се зголеми влијанието и ангажман, како и водич низ процесот на планирање кампањи за застапување (поставување цели на кампањата, идентификување на засегнатите страни, избор на тактики и креирање акциони планови). Заинтересираните кандидати може да аплицираат за двете или само една тема од прирачникот. Прирачникот се очекува да биде креиран во периодот септември-октомври 2024 година и да биде финализиран до крајот на октомври 2024 година.
Менторска поддршка: Обезбедување на менторска поддршка за практикување на застапување преку иницијативи кои се однесуваат на родово засновано насилство и прашања за човекови права. Менторот/ите ќе работи/ат директно со организациите за да ги поддржи во нивните активности за застапување. Оваа активност обезбедува менторска поддршка за учесниците на обуката (поединци и локални организации) ангажирани во застапување против родово засновано насилство и кршење на човековите права. Менторскиот процес е предвидено да биде во период од три месеци, почнувајќи од 1 ноември 2024 година и завршувајќи до 31 јануари 2025 година. Во зависност од потребите на учесниците и нивната идеја за застапување, ќе се понуди поддршка за да се развијат алатки за застапување или да се визуелизираат информациите кои ќе се искористат за застапување. Учесниците ќе добијат насоки и ресурси за да развијат идеи за приказни кои ефикасно ја пренесуваат итноста и важноста за решавање на некои прашања. Менторот/менторите ќе го менторираат целиот овој процес според претходно понуден план за менторирање според потребите на менторираните.

Барања за кандидатите:

Докажано искуство во областа на застапување за човекови права и родово засновано насилство.
Познавање на методи за визуелизација на податоци и креирање на ефективни застапувачки стратегии.
Одлични комуникациски и презентациски вештини.
Способност за работа со различни засегнати страни,
Подготвеност за менторство и поддршка на организациите во развојот на нивните активности за застапување.

Како да аплицирате:

Заинтересираните кандидати треба да испратат кратка биографија (CV), мотивационо писмо и документ со претходно искуство во вакви и слични активности заедно со предлог методологија за целиот процес на womsvetinikole@yahoo.com со предмет: Пријава за едукатор/ментор, најдоцна до 26 август (понеделник) 2024 година.

Заинтересираните кандидати може да се пријават за една од работните задачи или за целиот процес. Заради целисходност на процесот ние ве охрабруваме да се пријавите за целиот процес.

ОЖОСВН се залага за еднакви можности за сите кандидати

За дополнителни информации, ве молиме контактирајте не на 032 444 620 во канцеларијата на ОЖОСВН, погоре наведениот е-маил или мобилен: 078 305 814 кај Јасмина Трајчева, проектна координаторка.

Придружете ни се во зајакнувањето на капацитетите и создавањето на позитивно општествено влијание преку овој важен проект!

Доколку ви требаат дополнителни информации, слободно контактирајте не!