На 12.12 се одржа третата регионална средба за вмрежување „Регионално јакнење за унапредени услуги кон маргинализираните заедници“, на која присуствуваа претставници од релевантни институции од општините Велес, Кавадарци, Неготино и Свети Николе.
Регионалната средба беше водена од Билјана Бејкова. Дискусиите за време на регионалната средба се фокусираа на предизвиците и придобивките од соработката во различни сектори на локално и регионално ниво. Преку работа во групи, присутните се вклучија во конструктивни разговори, дискутирајќи за предностите и предизвиците својствени за мултисекторска локална и регионална соработка. Исто така присутните го истражуваа развојот на модел за ефикасна мултисекторска локална и регионална соработка во Вардарскиот регион.
Постигнат беше консензус за потребата од континуирана и добро координирана комуникација и соработка прво на локално, а потоа и на регионално ниво, како и развој на ресурси, но и поддршка од локалните самоуправи и континуирана соработка со граѓанските организации. Овој колективен пристап се сметаше за суштински со цел да се надополнат и обезбедат сеопфатните услуги за маргинализираните поединци.
Продолжуваме и понатаму активно да работиме на развивање на регионалната соработка помеѓу општините од Вардарскиот плански регион, а со цел унапредување на пристапот до правда и надминување на несаканите состојби кај маргинилизираните лица и заедници.
Оваа активност е дел од проектот „Не си сам/а – канцеларија за бесплатна правна помош и психо-социјална поддршка 2“. Проектот е регрантиран од Коалиција Маргини и The Kvinna Till Kvinna Foundation, финансиран од Европската Унија, а ко-финансиран од Шведска.
