Организација на жените на општина Свети Николе (ОЖОСВН) започнува со програма за градење на капацитетите на млади девојки и девојчиња за идни менторки и лидерки во заедницата. Ова е прекрасна можност за девојки од различни возрасти да се поврзат, учат и растат заедно, да се поддржуваат меѓусебно, да се социјализираат и да креираат акции. Оваа програма ги спојува младите девојки „Менторки на иднината“ со помалите девојчиња „Искри на иднината“ за да обезбеди лидерство, поддршка и пријателство во безбеден, позитивен и сигурен простор.
🎯 Цел:
Целта на оваа програма е да поттикне доверба, лидерство и личен раст преку менторство. Со градење на трајни врски, нашите менторки на иднината ќе им помогнат да ги водат малите искри низ животните предизвици, притоа нудејќи им охрабрување, инспирација и мудрост.
📋 Што ќе добиете?
Зајакнување – Да им помогнеме на малите девојчиња да ги откријат своите силни страни, страсти и способности.
Личен раст – Да им овозможиме на поголемите девојќи да стекнат знаења и вештини за лидерство, самодоверба и менторство, подготвувајќи се да инспирираат и поддржуваат идни генерации.
Систем за поддршка – Да се создаде доверливо и поддржувачко опкружување каде и менторите и менторираните можат да споделуваат искуства и да градат доживотни пријателства.
Градење заедница – Да се поттикне чувството на припадност и солидарност меѓу девојчињата во нашата заедница.
Ова е повеќе од само менторство – се работи за создавање врски кои можат да и помогнат на секоја девојка да напредува сега и во иднина, да биде вклучена во заедницата и да инспирира позитивни промени. 🌟
👉 Кој може да биде „Менторка на иднината“?
Доколку си заинтересирана да станеш „Менторка на иднината“, сакаш корисно да го искористиш твоето слободно време, од Свети Николе си и си девојка на возраст од 15 до 17 години, потполнете ја апликацијата во прилог и ние ќе ве исконтактираме.
Пријавувањето за „Менторка на иднината“ е најдоцна до 24.02.2025 до 13 часот на следниот линк:
https://docs.google.com/forms/d/1N6ylF3AFbygur9MX8e-gHut_cHO8pNKnaONcZsSrK_s/edit
👉 Кој може да биде дел од „Искри на иднината“?
Доколку сте родител/старател на девојче на возраст од 9 до 12 години, сакате вашето девојче да биде вклучено во едукативни, креативни и инспиративни активности со поддршка на менторка на возраст од 15 до 17 години, сега е времето да ја пријавите и да биде дел од нашата нова програма „Растеме заедно во лидерки на заедницата“.
Пријавувањето е отворено до 27.02. 2025 до 13 часот на следниот линк:
https://docs.google.com/forms/d/1OAMEwGCyaLXFucWabjeG2O9J1Y70ohGDOmTd96UM9QA/edit
За повеќе информации може да се обратите дирекно во канцеларијата на ОЖОСВН (Ленинова 1-1/4) или на 078615860 – кај Стефанија Арсова, младинска координаторка во ОЖОСВН.
Оваа активност е дел од проектот „Јаки жени, ја јакнат заедницата III“ финансиски поддржан од фондација Kvinna Till Kvinna и Шведска.
