Како дел од проектните активности за поголема видливост и работа на неформалното локално тело за родова еднаквост, а со цел градење на родово-сензитивна општина каде жените и девојките ќе бидат активно вклучени и целосно интегрирани во сите општествени процеси на различни нивоа, беше спроведен дводневен тренинг за стекнување знаења и вештини за родова интеграција.
На тренингот беа присутни по две претставнички од секоја институција/организација – членка на неформалната група која, пак, беше формирана во септември 2019 година на иницијатива на Претседателката на Комисијата за еднакви можности меѓу мажите и жените при Советот на општина Свети Николе (КЕМ) и координаторката за еднакви можности во општина Свети Николе.
Тренингот се одржа од 12ти до 14ти јули 2021 година во Струга, а го водеше експертката за родова интеграција Гордана Несторовска.
Претставничките од институциите/организациите (образовни институции, актив на пензионерки, претставнички од женските активи на политичките партии, граѓански организации, КЕМ и локална самоуправа, дом на култура) кои учествуваа и изразија желба да бидат дел од оваа неформална група за застапувањ
е на правата и интересите на целните групи кон унапредување и промовирање на родовата еднаквост и женските права на локално ниво, на овој тренинг имаа можност да ги подобрат своите и да стекнат нови знаења за родова интеграција, да разменат искуства и да поттикнат идеи и иницијативи за заедничка соработка и делување.
Оваа група ќе продолжи и понатаму да се развива и да ја унапредува својата работа на локално ниво преку активности кои следуваат во текот на оваа и следната година.
Оваа активност е дел од проектот „Јаки жени ја јакнат заедницата 2“ финансиски поддржан од Фондација Kvinna Till Kvinna, Шведска
