На 07 декември 2021 година во големата сала на локална смоуправа на Општина Свети Николе, психологот психотерапевтка Елисавета Секуловска оддржа двочасовна работилница за членките на групата за самопомош на жени заболени и лекувани од малигни болести при ОЖОСВН.
Целта на оваа работилница беше учесничките да добијат психоедукација за корисноста од доживувањето на пријатните и непријатните емоции, како и искуствено да се поврзат со доживувањата во телото со употреба на мајндфулнес техниката ,,Преглед на тело“.
Низ интерактивен пристап со поставување на прашања за лични теми, како и со споделување на конк
ретни примери и размислувања, учесничките имаа можност да се поврзат со своите телесни и емоционални доживувања, но и да ги препознаат сопствените начини за справување со непријатните емоции. Најчест и најудобен стил е избегнување на непријатни емоции и доживувања, но ефектите од овој начин на справување најчесто се негативни: многу често се активираат потиснатите содржини во реални ситуации кога личноста прави нешто друго или личноста бегајќи од емоцијата, се брани со мислење (мислите надоаѓаат една врз друга) и најчесто тоа е катастрофирање, ,,што ако” размислување, и тн.
На крајот, учесничките си заминаа задоволни и исполнети со нови знаења и вештини за справување со позитивни или негативни емоции.
Оваа активност е дел од проектот „Заедно во борба против ракот на дојка – 2“ финансиски подржан од Локална самоуправа на општина Свети Николе.
