На 20.06.2024, во просториите на месното училиште во с.Мустафино се одржа работилница на тема „Стрес и релаксација“. Работилницата ја водеше психологот Емина Петкова.
Целта на оваа работилница е да им помогне на жените да направат разлика помеѓу позитивниот и негативниот стрес и да научат ефективни начини за управување и надминување на истиот. Позитивниот стрес, како чувството на возбуда пред голем настан или мотивирани да постигнеме цел, може да биде енергично и да ни помогне да се претставиме подобро. Негативниот стрес, од друга страна, може да направи да се чувствуваме преоптоварени или вознемирени, а може да влијае на нашето здравје ако трае предолго.
Преку оваа работилница, учесничките имаа можност да се стекнат со разбирање и практични техники, за да бидат подготвени подобро да се справат со идните предизвици со доверба, справување со стрес и изнаоѓање на соодветни начини на релаксација.
Оваа активност е дел од проектот “Заедно да превенираме и се бориме против ракот на дојка-2024“. Финансиски подржан од Локална самоуправа на општина Свети Николе.
