На 15.02 се одржа прва регионална средба за вмрежување „Како до подобар координиран пристап до правда за маргинализираните заедници“. На оваа средба присуствуваа претставници од релевантни институции кои работат со маринализирани лица и заедници од општините Велес, Кавадарци, Неготино и Свети Николе.
Средбата беше отворена со претставување на присутните ученици и кратка презентација на институцијата/организацијата која ја претставуваат, како и нивното искуство со работа со маргинализирани лица. Потоа беше презентирана работата на ОЖОСВН, како и целите и активности на проектот, но и потребата, можностите и важноста од координирано постапување во случаи на прекршување на човековите права на локално, но и на регионално ниво.
Средбата продолжи со претставување на два успешни модели на координирано работење и постапување. Едниот се однесува на неформалното Локално координативно тело кое во Свети Николе е функционално повеќе од десетина години, а во кое членуваат релеванти локални институции кои работат со жртви на семејно насилство. А другиот пример за успешни и функционални интерсекторски работни групи го претстави Бети Пејева од нашата партнерска организација ЕХО -Штип, која сподели искуства од координираното постапување и работа на овие групи, потребата од едукација и континуирано јакнење на капацитетите на вклучените лица, како и важноста за вмрежување и заедничко делување. Таа во својата презентација исто така се осврна и на законските обврски кои проеизлегуваат од ратификуваните меѓународни документи, како што е Истанбулската конвенција.
Целата средба беше доста интерактивна и се споделија различни искуства, несогласувања, ставови, но сепак на крај се заклучи дека е потребна континуирана и координирана комуникација и соработка на регионално ниво бидејќи само така може да се надополнат услугите кон маринализираните лица и да бидат целосни.
Оваа прва ваква средба беше од информативен карактер и ќе следуваат уште неколку средби за да се изнајде соодветен модел на вмрежување и меѓусебна регионална соработка.
Оваа активност е дел од проектот „Не си сам/а – канцеларија за бесплатна правна помош и психо-социјална поддршка 2“ е регрантиран од Коалиција Маргини и The Kvinna Till Kvinna Foundation, финансиран од Европската Унија, а ко-финансиран од Шведска.
