На 11.11.2026 година, во големата сала на Општина Свети Николе, се одржа работилница на тема „Човекот и парите – Психологија на трошењето“, која ја водеше психологот Емина Петкова.
Целта на работилницата беше да се поттикне свесноста кај учесничките за нивниот однос кон парите, личните финансиски навики и влијанието на емоциите врз одлуките за купување и трошење.
Посебно внимание беше посветено на психолошките фактори што влијаат врз потрошувачката, препознавањето на импулсивното купување, влијанието на маркетингот и социјалните притисоци, како и разликувањето на вистинските потреби од моменталните желби.
Преку работилницата, учесничките беа поттикнати да размислат за сопствените навики, да ја препознаат поврзаноста меѓу емоциите и финансиските одлуки и да развијат поголема самоконтрола и одговорност при управувањето со личните финансии.
Главната порака на работилницата беше дека свесното трошење започнува со разбирање на сопствените потреби, емоции и навики, а преземањето контрола врз финансиските одлуки е важен чекор кон поголема лична и финансиска сигурност.
Оваа активност е дел од проектот „Заедно да превенираме и се бориме против ракот на дојка – 2026“, кој е финансиски поддржан од Локалната самоуправа на Општина Свети Николе.


