На 27 април 2022 година во големата сала на локална самоуправа Свети Николе, се одржа работилница на тема „Моќта на личноста за справување со предизвиците“ која беше наменета и на истата присуствуваа членките на групата за самопомош на жени заболени и лекувани од малигни болести. Едукаторка на работилницата беше психологот Емина Петкова, која ги мотивираше жените од групата да ја пронајдат моќта во себе и со љубов и грижа за самите себеси, успеат да ги пребродат предизвиците и негативните мисли.
Целта на оваа работилница беше, учесничките да осознаат што значи моќта на останување во моментот во кој сме, насочување на вниманието кон себе и своето тело и превземање на активности за подобрување на состојбата и превземање на личната одговорност за тоа.
Насочени проблеми кои се дискутираа за време на работилницата во врска со оваа тема се: проблемот со отуѓеноста на луѓето и се поголема закана која произлегува како ефект од претераниот индивидуализам, како и насоките луѓето да се плашат едни од други. Исто така, беше разговарано и за моќта на медиумите кои бомбардираат со информации за болката, страдањата и жртвите и прават кај многу од нас, стравот да ја убие надежта.
Оваа активност е дел од проектот „Продолжуваме заедно во борба против ракот на дојка“ кој финансиски е поддржан од Локална самоуправа на општина Свети Николе.
