Со цел да се придонесе кон градење на интегративни родово сензитивни локални програми на општина Пробиштип, во наредните неколку месеци, ОЖОСВН ќе реализира низа активности.
Со цел воспоставување соработка, подобра комуникација и координација со општина Пробиштип, на 10 мај 2022 година, се оддржа состанок со проектниот тим и координаторката за еднакви можности на општина Пробиштип, како и со претседателката на Комисијата за еднакви можности помеѓу мажите и жените при советот на општината. На средбата, присуствуваше и проектната менаџерка од носителот на проектот – Центар за истражување и креирање политики.
На состанокот беше презентиран главниот проект, како и регрантираниот проект и активностите во склоп на истиот, кои треба да ги реализира ОЖОСВН во општина Пробиштип.
Состанокот беше продуктивен, а присутните изразија особен интерес за соработка и унапредување на локалните политики од родов аспект.
Проектот „Родова перспектива на потребите, политиките и буџетот на општина Пробиштип“ е регрантиран од Центар за истражување и креирање политики-Скопје, а финансиски поддржан од ЕУ преку програмата Support to Civil Society Networks and Platforms in the Republic of North Macedonia.
