ОЖОСВН, на 18 ноември, во големата сала на општина Свети Николе, одржа форум за млади девојки од средно училиште за да ги запознаеме поблиску со женските човекови права, родовата еднаквост и како да станат активни општествени чинители кои прават позитивни промени. Фасилитаторка на овој форум беше Весна Попоска, експертка за родови прашања.

Форумот ги надмина нашите очекувања, а 20 учеснички имаа можност да ги искажат своите погледи кон овие теми,каде ги препознаваат недостатоците и прекршувањата на нивните права, кои се нивни потреби и што се би можеле да направат заедно. Отворено дискутираа и разговараа за човековите права, родовата рамноправност и важноста од граѓанскиот активизам. Дискутираа во што се би сакале да бидат вклучени и да дадат свој придонес за да направат некоја промена за себе лично, но и за општеството генерално. Искрено се надеваме дека ќе продолжат со реализација на нивните цели, а ние сме тука да ги мотивираме, охрабриме и поддржиме во борбата.

Благодарност до СОУ Кочо Рацин, кои ни излегоа во пресрет и ја поддржаа оваа наша активност, а ние остануваме посветени на нашата работа и продолжуваме со идна соработка.

Оваа активност е дел од проектот „Јаки жени ја јакнат заедницата 2“ финансиски поддржан од Фондација Kvinna Till Kvinna, Шведска.