Организација на жените на општина Свети Николе (ОЖОСВН) објавува повик за ангажирање на едукатор/ка во проектот „Не чекаме промени – ги создаваме“ поддржан од Акција Здруженска – Скопје преку German Women’s Fund filia die frauenstiftung.
Цел на проектот:
Општата цел на проектот е да се зајакне учеството и лидерството на девојки од Свети Николе во локалната заедница преку развој на нивните лидерски, комуникациски и застапувачки вештини и нивно активно вклучување во иницирање локални промени.
ПОВИК ЗА ЕДУКАТОР/КА
За ангажирање на едукатор/ка за спроведување на дводневна интерактивна едукативна обука во периодот од 24-26 август 2026 година, со девојки на возраст од 15 до 18 години со фокус на лидерство, феминистички принципи и личен развој потребно е да има искуство во неформална едукација, познавање и исксуство за следниве теми:
- лидерство и самодоверба (самопочит и самозастапување, како да го изразам своето мислење без страв, надминување на синдромот „не сум доволно добра“, токсични стандарди за убавина, емоционална интелигенција, здрави и нездрави врски)
- родова еднаквост и феминистички пристап (Кој го обликува мојот идентитет?, родови улоги и очекувања, притисоци од семејството, училиштето и социјалните мрежи, како да препознаеме ограничувачки стереотипи)
- комуникациски вештини и јавен настап, концепт на менторство (улога и одговорности, доверба, активно слушање и поддршка)
- застапување (аргументирање, организирање иницијативи и влијание врз носителите на одлуки)
Пожелно е пријавениот/та кандидат/ка да биде психолог/педагог или обучувач со искуство во личен развој и ментално здравје.
Обврски:
- Подготовка и спроведување на интерактивни предавања и дискусии со 7-8 посебни сесии од час и половина;
- Поттикнување на дискусија, тимска работа и критичко размислување кај учесничките;
- Подготовка на пред и после тест за обуката;
- Подготовка на извештај по завршување на обуката.
Како да аплицирате?
Заинтересираните кандидати/ки треба да испратат:
- кратка биографија (CV);
- мотивационо писмо (со назнака за која/кои работилница/и аплицираат);
- претходно искуство во вакви и слични активности заедно со предлог методологија/агенда за работилницата.
Краен рок за пријавување: 13 август (понеделник) 2026 година
Пријавите испратете ги на womsvetinikole@yahoo.com со предмет: Пријава за едукатор/ка
За повеќе информации може да се обратите директно во канцеларијата на ОЖОСВН (Ленинова 1-1/4) или на 078615860 – кај Стефанија Арсова, младинска координаторка во ОЖОСВН.
