Организација на жените на општина Свети НиколеОрганизација на жените на општина Свети НиколеОрганизација на жените на општина Свети Николе
+389 32 444 620
Свети Николе, Македонија

Дискусија: Локално учество на жените од општина Свети Николе во креирање на локални политики

  • Почетна
  • ОЖО
  • Дискусија: Локално учество на жените од општина Свети Николе во креирање на локални политики

Организација на жените на општина Свети Николе како членка на Националниот младински совет на Македонија на 10 декември реализираше двочасовна локална таун-хал дискусија со девојки и млади жени од општина Свети Николе. Оваа дискусија имаше за цел од една страна да ги запознае младите со локалните механизми за еднакви можности на мажите и жените и да ги доближи до оваа целна група како еден од механизмите преку кои може да се вклучат девојките во процеси на креирање политики и донесување одлуки на локално ниво. Но и, од друга страна, да се надминат одредени предизвици и да се дадат конкретни препораки од страна на девојките за поголемо нивно вклучување во консултативни процеси при креирање на различни локални политики.

Како говорнички на дискусијата беа Ивана Димитрова – Координаторка за еднакви можности на мажите и жените на општина Свети Николе, Оливера Арсов – поранешна претседателка на Комисијата за еднакви можности на мажите и жените при Советот на општина Свети Николе и Елена Трајкова – граѓанска активистка. Секоја од говорничките сподели искуства и значајни информации од својот делокруг на работа, надлежности, позитивни примери и влијанија, преку кои ги мотивираа, охрабрија и инспирираа присутните девојки да бидат активни чинители во заедницата, да се борат за своите права и гласно да ги искажуваат своите потреби, проблеми, предизвици.

На крајот од дискусијата, присутните учеснички креираа пораки против насилство, а со цел да дадат поддршка на кампањата „16 дена активизам против родово базирано насилство“ која завршува кога и се оддржа самата дискусија – на 10 декември.

Оваа активност за мобилизирање на заедниците е дел од проектот „Поддршка на изборните реформи во Северна Македонија“ финансиски поддржан од Швајцарската агенција за развој и соработка (SDC), имплементиран од Меѓународната фондација за изборни системи (IFES) и нејзиниот партнер Национален младински совет на Македонија (НМСМ). ОЖОСВН ја реализира оваа дискусија на локално ниво како членка на НМСМ.

Е-билтен

Пријавете се на Е-билтенот за да ги добивате најновите информации во врска со ОЖО Свети Николе.
Затвори
Е-билтен