Платформата за родова еднаквост упатува честитки до Гордана Сиљановска-Давкова за нејзиниот избор и новиот мандат на Претседателка на Република Северна Македонија. Сиљановска-Давкова е првата жена избрана за претседателка на нашата држава – како Платформа сметаме дека ова е значаен чекор кон остварување на долгогодишните заложби на Платформата за родова еднаквост за што поголемо вклучување на жените на највисоките позиции на одлучување и владеење.
Содржината на писмото можете да ја прочитате ТУКА.
Платформата за родова еднаквост продолжува да биде сојузник на жените во политиката, но и будно ќе го следи спроведувањето на програмата на Претседателката Сиљановска-Давкова, водени од феминистичките принципи и заложби кои не обединуваат.
